Елордада осы жексенбі яғни, 7 сәуір күні «Астана Триатлон» саябағында қаланың әрбір тұрғыны мен қала қонақтары қатыса алатын 5 шақырым қашықтыққа жүгіру және де балаларға арналған 400 м мен 1 км қашықтықтағы көктемгі жүгіру жарысы өтеді, деп хабарлайды BAQ.KZ Астана әкімдігінің ресми сайтына сілтеме жасап.
Ұйымдастырушылардың айтуынша бұқаралық спортты дамытуға бағытталған «Astana Run» көктемгі жүгіру жарысы 5 шақырым қашықтыққа созылып, 4 кезең бойынша өтеді. Яғни алдағы жаз, күз және қыс айларында.
![Astana Run: елордада алдағы жексенбі күні желаяқтар жарысы өтеді](/userfiles/images/d8cabd106f8bd88f3266fee76776754a_1280x720.jpeg)
Жарысқа қашықтықты еңсеруге қабілетті келесі жас санаттарында қатысуға барлық ниет білдірушілер (ерлер мен әйелдер) шақырылады.
- 18-29 жас,
- 30-39 жас,
- 40-49 жас,
- 50-59 жас,
- 60 және одан жоғары.
![Astana Run: елордада алдағы жексенбі күні желаяқтар жарысы өтеді](/userfiles/images/ee6138553231220f3717608ce4d409dc_1280x720.jpeg)
Балалар жарысы келесі жас санаттары арасында өткізіледі:
- 3-9 жас (400 м);
- 10-17 жас (1 км).
![Astana Run: елордада алдағы жексенбі күні желаяқтар жарысы өтеді](/userfiles/images/21c3809e7b31e252562f479630feea2e_1280x720.jpeg)
Қазір «Astana Run» көктемгі жүгіру жарысына қатысуға тіркеу жабық, ұйымдастырушылар жарысқа дайындықтың соңғы кезеңіне жетті.
![Astana Run: елордада алдағы жексенбі күні желаяқтар жарысы өтеді](/userfiles/images/d0087243d58473eedec1509aeef051ec_1280x720.jpeg)
Әрбір кезеңнің жеңімпаздары мен жүлдегерлері барлық жас санаттарындағы ерлер мен әйелдер арасында үздік нәтиже бойынша анықталады. Олар медальдармен, дипломдармен және ақшалай сертификаттармен марапатталады.
![Astana Run: елордада алдағы жексенбі күні желаяқтар жарысы өтеді](/userfiles/images/16fbceba8819b69e3a6af6b9224623af_1280x720.jpeg)
Жарыс туралы толық ақпарат www.astanatriathlon.kz сайтында орналастырылған, сондай-ақ ұйымдастыру комитетінің әлеуметтік желілерінің аккаунттарында instagram: @astana_triathlon.
![Astana Run: елордада алдағы жексенбі күні желаяқтар жарысы өтеді](/userfiles/images/e8863bdd2817789d8ae910c1ea37c072_1280x720.jpeg)