Astana Hub Battle. Стартаптар жарысы

25 Қазан 2019, 11:46
2668
Бөлісу:
Astana Hub Battle. Стартаптар жарысы
PHOTO
Фото: автордан

Нұр-Сұлтан, BAQ.KZ тілшісі. Елордада Digital Bridge халықаралық технологиялық форумының екінші күні басталды. Дәл қазір технологиялық стартаптар бақ сынасқан Astana Hub Battle жарысының жартылай финалы өтіп жатыр. 

Astana Hub Battle - "Цифрлық Қазақстан" мемлекеттік бағдарламасы шеңберінде іске асырылатын маңызды нәтижелерге елдің ІТ-нарығы мен мемлекеттік органдарды ынталандыруға арналған технологиялық стартаптар арасындағы конкурс. 

Ұйымдастырушылардың айтуы бойынша жарыстың жалпы жүлде қоры 30 мың долларды құрайды. 

WhatsApp Image 2019-10-25 at 11.46.04.jpeg

Форумның дискуссиялық алаңында қазақстандық және шетелдік спикерлер өз ойларымен, IT саласындағы озық технологиялар жетістіктерін талқыға салды. 

Форумның модераторлары - Venture Beat аналитик маманы, сарапшы Стюарт Роджерс, ғылыми қызметкер Бионгсу Ким және 01 Edu System-нің негізін қалаушы Николя Содирак.  

Қазақстандық IT-мамандар мен жас өнертапқыштар өз стартаптарын көпшілікке таныстырды. Мәселен, Әл-Фараби атындағы Қазақ Ұлттық Университетінің студенті "Ақылды үстел" стартап жобасын ұсынды. 

"Балалар неге математикадан қиналады, неліктен білмейді? Мысалы, 8-сынып оқушысы репетиторға келіп, мен есепті шығара алмаймын, үйретіңізші дейді. Проблема 8 сыныптың оқулығында емес, мәселе 5-сыныпта жатыр. Біздің жоба адамдарды бақытты етеді. Портал тікелей эфирде жұмыс істейді", - дейді Әлібек есімді стартап иесі. 
WhatsApp Image 2019-10-25 at 11.46.13.jpeg

Сонымен қатар, Astana Hub Battle жартылай финалистері форум аясында өтетін "Стартап Аллея" көрмесінде әлеуетті инвесторлар алдында өз жобаларын ұсына алады.

Айта кетейік, Digital Bridge – бұл интернет-компаниялар, технологиялық кәсіпкерлер, венчурлік инвесторлар, мемлекеттік лауазымды тұлғалар, корпорациялар, IT-мамандар, блогерлер және сандық БАҚ үшін жыл сайын өтетін форум. 

Форум IT-технологиялар, инновация, медиа саласында дамыту бойынша тәжірибе және ұсыныстар алмасатын, сондай-ақ Орталық Азия мен басқа әлем арасында Цифрлық көпір құратын алаң.

Бүгінгінің басты іс-шарасы Next Tech Entrepreneur Forum стратегиялық секциясы. Секция аясында "Сандық экономика үшін кадрлар", "Болашақтың білімі: технологиялар білім беру жүйесін қалай өзгертеді", "Орталық Азиядағы корпоративтік инновациялар", "Кәсіпкер әйелдер бизнесіндегі табыс құпиялары", "Венчурлік инвестициялар: стартапты "единорог" дәрежесіне қалай жеткізу, "Креативтен сандарға және кері қарай: әлеуметтік желілердегі және Youtube-тегі сіздің контентіңізді қалай өлшеуге болады?" сынды қызу талқылаулар өтуде.

WhatsApp Image 2019-10-25 at 11.46.41.jpeg

Сондай-ақ, IT-мамандарға арналған форум аясында цифрлық экономика үшін кадрларды дайындау талқыланады. 

Форумды ұйымдастырушылары – Қазақстан Республикасының цифрлық даму, инновациялар және аэроғарыш өнеркәсібі министрлігі, "Зерде "Ұлттық инфокоммуникациялық холдингі" АҚ, Astana Hub IT-стартаптар халықаралық технопаркінің қатысуымен және "Қазақтелеком" АҚ, "Хуавей Текнолоджиз Қазақстан", "Майкрософт Қазақстан" компанияларының қолдауымен өткізіледі.

Биылғы жылы Digital Bridge форумы еліміздің жас IT-мамандарын қолдау мақсатында Қазақстан президенті Қасым-Жомарт Тоқаевтың бастамасымен іске асырылып отыр.

Өзгелердің жаңалығы