Нұр-Сұлтан, BAQ.KZ. Бүгін «Астана» командасының бапкерлер құрамы мен ойыншылары Андорраға ұшып кетті. Бұл туралы футбол командасының баспасөз қызметі хабарлады.
«Астана» УЕФА Еуропа лигасының екінші іріктеу кезеңі аясында «Санта Колома» командасымен кездеседі.
Аталмыш ойынға команда төмендегі құраммен аттанды: қақпашылар: Ненад Эрич, Александр Мокин, Станислав Павлов, қорғаушылар: Лука Шимунович, Дмитрий Шомко, Марин Аничич, Евгений Постников, Юрий Логвиненко, Абзал Бейсебеков, Антонио Рукавина, жартылай қорғаушылар: Марин Томасов, Рунар Мар Сигурьонссон, Юрий Перцух, Серікжан Мужиков, Иван Маевский, Дидар Жалмұқан, Дорин Ротариу, шабуылшылар: Сергей Хижниченко, Роман Муртазаев, Фирмин Мубеле, Рангело Янга.
Еске сала кетейік, «Санта Колома» – «Астана» арасындағы ойын 23 шілдеден 24-іне қараған түні Нұр-Сұлтан уақытымен 00:00-ге жоспарланған. Ойынды QAZSPORT телеарнасы тікелей эфирден көрсетеді.
