Алматыда ҚХА төрағасының орынбасары Марат Әзілханов шығармашылық зиялы қауым өкілдерімен кездесті, деп хабарлайды BAQ.KZ.
Іс-шараға шығармашылық зиялы қауым өкілдері, белгілі жазушылар мен журналистер, еңбек сіңірген қоғам қайраткерлері қатысты.
.jpeg)
Қазақстан халқы Ассамблеясы шығармашылық зиялы қауым өкілдеріне қолдау көрсетеді. Биыл Республика күні қарсаңында 21 қайраткер мәдениетаралық және этносаралық бірлікті нығайту мақсатында Мемлекет басшысы белгілеген марапаттарға ие болды.
Кездесуде Қазақстан мәдениетін дамытып, елдегі этносаралық қатынастарды нығайтудағы шығармашылықтың мән-маңызы мен атқаратын рөлі секілді бірқатар мәселе талқыланып, қатысушылар Қазақстан халқы Ассамблеясы мен шығармашылық зиялы қауымның одан әрі жұмыла жұмыс жасауына қатысты түрлі ұсыныстарын ортаға салып, пікірлерімен бөлісті.
