Ашитов: Экономиканың ең сыбайлас сегменті – мемлекеттік сатып алу

Ашитов: Экономиканың ең сыбайлас сегменті – мемлекеттік сатып алу
761

Нұр-Сұлтан, BAQ.KZ тілшісі. Бұл туралы Кәсіпкерлерді құқықтық қорғау департаменті директорының орынбасары Батыржан Ашитов «Қазақстанның бизнес секторындағы бизнестің адалдығын арттыру» конференциясында айтты.

Дәстүрлі түрде экономиканың ең сыбайлас сегменті – мемлекеттік сатып алу. 1997 жылдан бастап мемлекеттік сатып алу туралы үш дербес заң қабылданды, оларға жыл сайын өзгерістер мен толықтырулар енгізіліп отырды. Бірақ қабылданған шаралар күткен нәтиже бермеді. Мойындау керек, 1997 жылы әзірленген мемлекеттік сатып алу туралы заңнаманың тұжырымдамасы олқы және сатып алулардағы сыбайлас жемқорлық мәселесін шешпейді, - деді Ашитов. 

Оның айтуынша, Ұлттық заңнаманың осалдығы - оның мемлекеттік сатып алудың барлық бағыты мен процесін бір мемлекеттік органда Қаржы министрлігінде шоғырландырғандығынан.

Бір орган мемлекеттік сатып алу саласындағы мемлекеттік саясатты қалыптастырады, оның құқықтық реттелуін белгілейді, сатып алуды ұйымдастырады және олардың заңдылығын бақылайды. Бұл жағдайда ұйымдық мүдде қақтығысы туындайды. Қызмет көрсететін ұйымның қызметтерді бейтарап көрсете алмауы, оның функцияларды орындаудағы объективтілігі күмән тудыруы мүмкін.Осыны ескере отырып, жосықсыз кәсіпкерлер өздерінің бәсекелестерінен артықшылық алу үшін сыбайлас жемқорлық схемаларын пайдаланады, - деді Батыржан Ашитов. 

Қысқа да нұсқа. Жазылыңыз telegram - ға
Өзгелердің жаңалығы