+42. Бүгін төрт облыста күн қатты ысиды

8 Шілде 2024, 08:50
33089
Бөлісу:
+42. Бүгін төрт облыста күн қатты ысиды
Фото: BAQ.KZ архив

Бүгін, 8 шілдеде еліміздің бірнеше өңірінде қатты ыстық болады, деп хабарлайды BAQ.KZ "Қазгидромет" РМК-ға сілтеме жасап.

Синоптиктердің болжамына сүйенсек, республика аумағының басым бөлігінде атмосфералық ағындардың өтуіне орай найзағай ойнап, бұршақ жауады және дауыл тұрады, жаңбыр жауады, елдің солтүстігінде, орталығында, шығысында, оңтүстік-шығысында қатты жаңбыр жауады. Республика бойынша желдің күшеюі күтіледі, орталықта түнде және таңертең тұман түседі.

Күндіз Батыс Қазақстан, Атырау, Маңғыстау облыстарында, Ақтөбе облысының батысында қатты ыстық сақталады.

Атырау облысының солтүстігінде, орталығында, Батыс Қазақстан облысының солтүстігінде, батысында, оңтүстігінде, Ақтөбе облысының оңтүстігінде өрт қаупі жоғары болады.

Түркістан, Қызылорда, Жамбыл, Маңғыстау облыстарында, Ұлытау облысында, Қостанайдың оңтүстігінде, Атырау облысының оңтүстік-батысында, оңтүстік-шығысында төтенше өрт қаупі сақталады.

Өзгелердің жаңалығы