Ұйқының дұрыс болмауы, шамадан тыс ұйқы денсаулық пен жұмыс өнімділігіне кері әсер етеді. Бұл туралы сарапшы Максим Рыжов айтты, - деп хабарлайды BAQ.KZ lenta.ru-ға сілтеме жасап.
Ұлттық қаржылық зерттеулер агенттігінің зерттеушілері ұйқысы қанбаған қызметкерлердің жеткілікті ұйықтайтындарға қарағанда өнімділігі төмен екенін анықтады. Рыжов қандай да бір себептермен аз ұйықтайтын адамдардың неге нашар жұмыс істейтінін түсіндірді. Дұрыс ұйқы болмауы иммунитет төмендеуіне және артық салмаққа әкеледі. Сонымен қатар, жүрек-қан тамырлары аурулары мен қант диабетінің даму қаупін арттырады. Ұйқының болмауы мидың когнитивті қызметіне әсер етеді: адам есте сақтау қабілетін жоғалта бастайды, күйзеліске бейім болады. Мұндай проблемалар кәсіби қызметке де әсер етеді.
Ұйқының болмауы сыртқы келбетке теріс әсер етеді. Жеткілікті ұйықтамаған адамның өңі күңгірт, көзінің астында қара дақтар пайда болады, тері ерте қартаяды. Ұйқысыз адамды көпшіліктің арасында анықтау оңай.
Сарапшының айтуынша, артық ұйқының да ағзаға кері әсері бар. Ұйқының болмауы сияқты ол да күйзеліс тудыруы мүмкін және дәл осы жағдай көбіне оның симптомына айналады. Сонымен қатар, көптеген адам ұзақ ұйқыдан бас ауруына шалдығады.
Ең дұрысы, түнгі ұйқы жетіден тоғыз сағатқа дейін созылуы керек. Ұйықтауға ештеңе кедергі келтірмейтініне көз жеткізіңіз. Жастық ыңғайлы болуы керек, ал көрпе арқаны жақсы ұстап тұруы керек, - дейді сарапшы.
