Нұр-Сұлтан, BAQ.KZ. Қарағанды облыстық бейнелеу өнері мұражайында №1 Балалар көркемөнер мектебі түлектерінің «2019 жылғы шығарылым» атты көрмесі ашылды, деп хабарлады облыс әкімдігінің ресми сайты. Экспозицияда 47 туынды ұсынылған.
«Бұл көрмеде менің оқушыларым өз қолдарымен жасаған мүсіндерді ұсынды. Осы еңбектердің бірі -дипломдық, қалғаны емтихан жұмысы. Олардың барлығы пластилиннен жасалған, ішінде түрлі алюминий және мыс сымдар, сондай-ақ картон мен қаңқа бар. Олар кез келген күрделілікте жұмыс істей алады, мен тек көмектесемін және кеңес беремін», - дейді №1 БКМ мүсін бойынша педагог Алексей Шапошев.
Ангелина Спасибухова өзінің дипломдық жұмысы үшін «Алиса в стране чудес» тақырыбын таңдады. Оның айтуынша, жұмысының күрделілігі бір композицияға барлық кейіпкерлерді біріктіру болды.
«Мен идеяны екі жыл бойы әзірледім. Бұл өте қызықты ертегі. Мен карточка, қиял-ғажайып және жұмбақты біріктіргенді ұнатамын. Мен жұмыс өте қиын болатынына дайын болдым. Ол әдемі болу үшін барлық кейіпкерлерді көрсеткім келді. Неге мүсін? Себебі қол астыңыздағы материалды сіз өзіңіз ғана бағындыра аласыз. Сурет салғанда жарық және көлеңкемен жұмыс істей білу керек, ал мұнда сен қолыңмен жұмыс істей аласың және қалағанның барлығын бейнелей аласың», - дейді Ангелина.
Бейнелеу өнері мұражайы мен көркемөнер мектебінің ынтымақтастығы көп жылдар бойы жалғасуда. Биыл "2019 жылғы шығарылым" көрмесі 30 маусымға дейін жалғасады.
