Ақтөбе тұрғыны түрмеге телефонды бананға жасырып, өткізбек болды

9 Ақпан 2022, 21:29
1898
Бөлісу:
Ақтөбе тұрғыны түрмеге телефонды бананға жасырып, өткізбек болды

Нұр-Сұлтан, BAQ.KZ. Ақтөбеде ҚАЖ департаментіне қарасты КА-168/1 (тергеу изоляторы) мекемесінің режим және күзет бөлімінің қызметкерлері мекемеге келген сәлемдемені тексеру кезінде бананның ішіне мұқият жасырылған ұялы телефон және Beeline SIM-картасын тәркіледі, деп хабарлайды Zakon.kz

Тыйым салынған заттарды 29 жастағы У. И. есімді қала тұрғыны абақтыда “жалған кәсіппен айналысты” деген айып тағылған күдікті-айыпталушы танысына бананның ішіне жасырып, бермек болған.

Азамат У. И. өз түсініктемесінде кінәсін толық мойындады. Құқық бұзушыға ҚР ӘҚБтК-нің 791 және 795-баптары бойынша хаттама толтырылып, іс Ақтөбе қаласының мамандандырылған әкімшілік сотына жолданды, – деді Ақтөбе облысы бойынша ҚАЖ департаментінің бастығы Руслан Оразбаев

 

Өзгелердің жаңалығы