Ақтауда балалар жолақысын қымбат төлеп келген: Прокуратура араласты
Қоғамдық көлікте балаларға арналған жеңілдетілген тарифті қолдану мүмкін болмаған. Прокуратура араласқаннан кейін 10 мыңнан астам баланың құқығы қорғалды.
Арайлым АЛТАЙҚЫЗЫ
14 Қыркүйек 2026, 18:07
Ақтау прокуратурасы кәмелетке толмағандардың жол жүрудің жеңілдетілген тарифін пайдалану мүмкіндігін қамтамасыз етті.
Ақтау қаласының прокуратурасы жолаушылар тасымалы саласындағы заңдылықтың сақталуына талдау жүргізді.
Талдау барысында қоғамдық көліктерде кәмелетке толмағандарға арналған тариф бойынша QR-кодтардың болмағаны анықталды. Соның салдарынан балалар жолақысын жалпы тариф бойынша төлеуге мәжбүр болған.
Прокурорлық қадағалау актісінің нәтижесінде жергілікті атқарушы орган кәмелетке толмағандарға арналған тарифті қолдану мүмкіндігін қамтамасыз етті, - деп хабарлады Маңғыстау облысы прокуратурасы.
Ақтау қаласы прокуратурасының қабылдаған шараларының нәтижесінде 10 мыңнан астам кәмелетке толмаған жолаушының құқықтары қорғалды.
Ең оқылған:
- Астанада шетелдік блогермен видеоға түскен полицейлер жұмыстан қуылды
- Қазақстанға заңсыз кіргізілмек болған 107 тонна өнім кері қайтарылды Ақбота
- Тегін берілетін дәріні заңсыз сатқан: 60-тан астам дәріхана мен медициналық ұйым жазаланды
- Қазақтың тұскиізі БРИКС логотипіне енді
- Жаңбыр, тұман, қатты жел: Ел аумағында ескерту жарияланды