Ақ үйдің ұлттық қауіпсіздік жөніндегі кеңесшісі Майк Уолтц АҚШ пен Ресей Украинадан мәжбүрлі түрде әкетілген балаларды қайтару мәселесін талқылап жатқанын мәлімдеді, деп хабарлайды BAQ.KZ.
Осы аптада Дональд Трамп әкімшілігі Йель университетінің Гуманитарлық зерттеулер зертханасы жүргізген бағдарламаны қаржыландыруды тоқтатты. Бұл топ Украинадағы соғыс басталғаннан бері Ресейдің украиналық балаларды ұрлау жағдайларын зерттеп, құжаттаумен айналысып келген.
Украина бұл әрекеттерді әскери қылмыс және геноцид деп бағалайды, ал Ресей өз тарапынан балаларды қорғап отырмыз деп мәлімдейді. Халықаралық қылмыстық сот украиналық балаларды күштеп депортациялауға қатысы бар Ресей шенеуніктеріне ордер шығарған.
АҚШ пен Ресей арасындағы украиналық балаларды қайтару жөніндегі келіссөздер сенімді нығайту мен әділдікті қалпына келтіру жолындағы маңызды қадам болып отыр.
2
0
0
0
0
