Нұр-Сұлтан, BAQ.KZ тілшісі. Бұл туралы Қазақстан Республикасының Сыбайлас жемқорлыққа қарсы іс-қимыл агенттігі төрағасының орынбасары Ұлан Сарқұлов Қазақстан Республикасы Президенті жанындағы ОКҚ-да өткен брифингте айтты.
Өткен жылы агенттік Атырауда Абай Құнанбаевтың ескерткішін жасау және орнату туралы келісім жасағаны үшін 4,5 миллион теңге көлемінде пара алды деген күдікке ілінген Атырау облысы әкімінің орынбасары Хаменованы әшкерелеген болатын. Ескерткіштің құны - 145 млн теңге. Ал мұндай мысалдар өте көп, - деді Сарқұлов.
Оның айтуынша, қаржылық бақылау органдарының сыбайлас жемқорлық фактілерін атап өту керек.
Тек соңғы 2 жылда агенттікте ішкі мемлекеттік аудит органдарының лауазымды тұлғаларына қатысты 27 қылмыс тіркелді. Олар мемлекеттік сатып алу конкурстарының қорытындысын қарағаны үшін пара алған. Мәселен, ішкі мемлекеттік аудит мамандарының өздері арыз-шағымдар ұйымдастырған кезде фактілер анықталды. Өздерінің пайдакүнемдік мақсаттарын көздеп, өздері тексеріс жүргізді. Соңғы бір жылда бір ЖШС осындай 1600 шағым түсірсе, оның 900-і қанағаттандырылды. Бұл ретте басқа, нақты, өтініштер назардан тыс қалған, - деді ол.
