Михаил Шайдоровтың Олимпиададағы гала-шоуын қашан және қайдан көруге болады?

Қазақстандық мәнерлеп сырғанаушы, Олимпиада чемпионы Михаил Шайдоров Италиядағы Ойындардың гала-шоуында өнер көрсетеді. Бұл туралы Олимпиаданың ресми сайты жариялады, деп хабарлайды BAQ.KZ тілшісі. 

Гала-концерт жергілікті уақыт бойынша 21 ақпан сағат 20:00-де басталады. Шоу 2,5 сағатқа созылады. Оған мәнерлеп сырғанаушы барлық жүлдегерлер, сондай-ақ командалық жарыстарға қатысқан кейбір спортшылар қатысады. Спортшылар еркін бағдарламаларын орындайды.

Михаил Шайдоров жанкүйерлерге "Кунг-фу Панда" мультфильмі стиліндегі көрсетілімді ұсынады. 

"Мен "Кунг-фу Панданы" сырғанауды жоспарлап отырмын. Осы Олимпиада ойындарындағы басты мақсаттарымның бірі - көрсетілімдік шығарылымда "Кунг-фу Панданы" орындау болатын. Өйткені бұл менің ең сүйікті кейіпкерім. Мультфильмді өте көп көрдім. Кунг-фу Панда бір жағынан - айдаһар жауынгері, өте мықты, ал екінші жағынан - епсіз, күлкілі және тамақ ішкенді жақсы көреді. Меніңше, осы басты қасиеттер екеумізде ұштасатын сияқты", - дейді Шайдоров Qazsport телеарнасына берген сұхбатында.

Сондай-ақ, Миланның мұз айдынында келесі спортшылар өз нөмерлерін көрсетеді:

• Юма Кагияма (Жапония);

• Сюн Сато (Жапония);

• Джунхван Чха (Оңтүстік Корея);

• Адам Сяо Хим Фа (Франция);

• Илья Малинин (АҚШ);

• Даниэль Грассль (Италия);

• Рику Миура мен Рюити Кихара (Жапония);

• Анастасия Метёлкина мен Лука Берулава (Грузия);

• Минерва Фабьен Хазе мен Никита Володин (Германия);

• Мария Павлова мен Алексей Святченко (Венгрия);

• Сара Конти мен Никколо Масии (Италия);

• Гийом Сизерон мен Лоранс Фурнье Бодри (Франция);

• Мэдисон Чок пен Эван Бейтс (АҚШ);

• Пайпер Жиль мен Поль Пуарье (Канада);

• Шарлен Гиньяр мен Марко Фаббри (Италия);

• Эллисон Рид пен Саулюс Амбрулевичюс (Литва).

Әзірге әйелдер арасындағы жекелей сырғанаудан кімдердің өнер көрсететіні белгісіз.

Қазақстандықтар гала-концертті көрсетілімін 21 ақпан күні сағат 23:55-те Jibek Joly телеарнасынан тамашалай алады.