Алматы, BAQ.KZ. Алматы қаласының тұтынушыларына электр энергиясын беру 19:40-та қалпына келтірілді.
Қала әкімдігінің мәліметінше, 2021 жылдың 5 қаңтар күні сағат 17:45-те Алматы өңірінде электр қуаты үзілді.
KEGOK АҚ-ға тиесілі «Солтүстік-Оңтүстік-Восток» үш 500 кВ электр беру желілерін авариялық тоқтату нәтижесінде жүйенің авариялық автоматты жабдықтары өшірілді. Жүйелік апаттық басқарудың автоматикасы Алматы қаласы мен Алматы облысының тұтынушыларын электрмен жабдықтаудан ажыратты, – делінген хабарламада.
Тұтынушылардың ажыратылған жүктемесі 460 МВт-ты құрады.
«Солтүстік-Оңтүстік-Шығыс» 500 кВ электр жеткізу желісін қосқаннан кейін, жүйелік оператордың бұйрығымен сағат 18:00-де апаттық бригадалар ажыратылған тұтынушыларды біртіндеп желіге қоса бастаған.
19:40-та Алматы қаласының барлық тұтынушыларына электр қуатын жеткізу қалпына келтірілді. Қалпына келтіру жұмыстарын «Алатау Жарық Компаниясы» АҚ жүргізді, – деп хабарлады қала әкімдігінен.
