Алматыда хирургтар өт жолдарында туабітті ақауы бар балаға жаңа әдіс бойынша ота жасады

7 Ақпан 2023, 21:30
1673
Бөлісу:
Алматыда хирургтар өт жолдарында туабітті ақауы бар балаға жаңа әдіс бойынша ота жасады

Алматыдағы №2 Балалар қалалық клиникалық аурухананың хирургтары «Туабітті жүрек ақауы. Жалпы өт жолдарының кисталық трансформациясы» диагнозы қойылған төрт жасар балаға күрделі ота жасады, деп хабарлайды BAQ.KZ аурухананың баспасөз қызметіне сілтеме жасап.

Операция міндетті әлеуметтік медициналық сақтандыру есебінен жасалды.

Өт жолдарының туабітті кистоздық трансформациясы – өт шығару жүйесінде сирек кездесетін дерттің бірі. Жалпы өт жолдарының кеңейіп кетуі салдарынан жүйе жұмысы бұзылып, уақтылы емдемесе соңы билиарлық бауыр циррозына әкеп соқтыруы мүмкін.

Мамандардың айтуынша, бұған дейін бірнеше стационарда ем қабылдаған бала мұнда механикалық сарыауру белгілерімен түскен. Іші ауырып, дене қызуы көтерілген. Оған қоса тәбеті төмендеп, терісінің түсі сарғайып кеткен.  

Бөлімше дәрігерлері бүлдіршінді толық тексеруден өткізді. Кеуде қуысына ядролық-магниттірезонанстық томография жасалды. Нәтижесінде нақты диагноз қойылып, жаңа әдістеме бойынша ота жасалды. Баланың жағдайы жақсы, қазір ол отбасына оралды,  делінген хабарламада.    
Естеріңізге сала кетсек, ота міндетті әлеуметтік медициналық сақтандыру қаражатына жасалды. Қазақстанда 18 жасқа дейінгі балалар мемлекет тарапынан сақтандырылатын жеңілдік санатына жатады.

Өзгелердің жаңалығы