Алматыда бір күнде 1800-ге жуық жол ережесін бұзу дерегі тіркелді

Алматыда бір тәулікте жол қозғалысы ережесін бұзудың 1800-ге жуық дерегі тіркелді, оның 200-ге жуығы адам өміріне қауіп төндірген.

Алматы прокуратурасының мәліметінше, жол қозғалысы қауіпсіздігін қамтамасыз ету аясында 2026 жылғы 7 тамызда қала аумағында 1789 жол қозғалысы ережесін бұзу дерегі анықталған. Оның ішінде 186 өрескел құқық бұзушылық жол қозғалысына қатысушылардың өмірі мен денсаулығына елеулі қауіп төндірген.

Анықталған құқық бұзушылықтар арасында:

• мас күйінде көлік басқару – 13 дерек;
• көлік құралын басқару құқығынан айырылған адамның рөлге отыруы – 1 дерек;
• жалған мемлекеттік тіркеу нөмірімен көлік басқару – 3 дерек;
• маневр жасау қағидаларын бұзу, оның ішінде қауіпті маневрлер («шашка») жасау – 61 дерек;
• қауіпсіздік белдігін тақпау – 69 дерек;
• қарсы бағыттағы жолаққа шығу – 10 дерек;
• көлік жүргізу кезінде ұялы телефон пайдалану – 29 дерек.

Сонымен қатар 56 автокөлік арнайы айып тұрағына қойылды.