Мегаполисте А/H3N2 типті (Гонконг) тұмауымен ауырған 232 адам тіркелді, деп хабарлайды Алматыдағы BAQ.KZ тілшісі.
Бұл туралы Алматы қаласының санитариялық-эпидемиологиялық бақылау департаментінің басшысы Қасымхан Алпысбайұлы мәлімдеді.
Өткен 17 аптада ЖРВИ-ның 15 236 жағдайы тіркелді, 100 мың тұрғынға шаққандағы сырқаттанушылық көрсеткіші – 683,35 құрады. Бұл өткен жылдың ұқсас кезеңінің көрсеткішінен 18,6%-ға жоғары. Эпидемиологиялық маусымда А/H3N2 типті тұмаудың 232 расталған жағдайы тіркелді. Барлық пациенттерге емдеу тағайындалды,- дейді Қасымхан Алпысбайұлы.
