Нұр-Сұлтан, BAQ.KZ. Алматы облысында COVID-19 инфекциясын жұқтырған тағы 1 адам тіркелді, деп хабарлады Мемлекеттік комиссияның шұғыл штабы.
Талғар ауданында тұратын 21 жастағы азаматшадан коронавирус инфекциясын жұқтырған адаммен қарым-қатынаста болуына байланысты зертханалық зерттеулерге материалдар алынған, ПТР диагностикалық зерттеулерінің нәтижелері бойынша оған COVID-19 диагнозы қойылған. Науқас жұқпалы аурулар бөліміне жатқызылды. Қазір жағдайы қанағаттанарлық, бекітілген хаттамаға сәйкес ем алып жатыр, - делінген хабарламада.
Барлығы 6 байланыста болған адам провизорлық стационарларға оқшауланған, зертханалық зерттеу үшін талдау алынды. Эпидемиологиялық тексеру жалғасуда.
Ауру ошақтарында дезинфекциялық жұмыстар жүргізілді.
12.04.2020 жылғы жағдай бойынша өңірде COVID-19 коронавирус инфекциясын жұқтырған жалпы 12 адам анықталған.
