Нұр-Сұлтан, BAQ.KZ. Алматы қалалық мүгедектер қоғамының төрағасы Әли Аманбаев 73 жасында қайтыс болды.
Бұл туралы Vecher.kz хабарлады.
Әли Аманбаев 1973 жылы Киров атындағы Қазақ мемлекеттік университетін бітірген.
1990 жылдан бастап Алматы қалалық мүгедектер қоғамының басқарма төрағасы қызметін атқарды.
2009 жылдан бастап Қазақстан мүгедектер ұйымдары одағының төрағасы қызметін атқарды.
«Парасат» (2005), «Құрмет» (1996), «Батыр шапағаты» (2011), «Чернобыль 1986-2011» және басқа да ордендермен марапатталған.
Қазақстанның әлеуметтік қорғау саласының еңбек сіңірген қызметкері.
