Алматы әуежайында көктемгі-жазғы авиация маусымы басталды

7 Сәуір 2023, 20:22
767
Бөлісу:
Алматы әуежайында көктемгі-жазғы авиация маусымы басталды
Фото: Алматы өңірлік коммуникацикалар қызыметі

Алматы әуежайында жаңа терминал құрылысы жүруде, жұмыс 53 пайызға орындалған, деп хабарлайды BAQ.KZ.

Бұл туралы Алматы халықаралық әуежайының президенті Альп Ер Тунга Ерсой Өңірлік коммуникациялар қызметінің брифингінде айтып берді. Спикердің айтуынша, өткен жылы Алматы әуежайы 7 миллионнан астам жолаушыны қабылдап, 64 мыңнан астам рейс жасаған.

30 наурыздан бастап көктем-жаз маусымы басталды. Биыл бізге 8 миллионнан астам жолаушы келеді деп болжап отырмыз. 67 бағыт бойынша 70 мыңнан астам әуе рейсі және 94 мың тонна жүк рейсі күтілуде. Біз сонымен бірге жаңа бағыттар бойынша дамуды да жоспарлап отырмыз. Мәселен, Ашхабад, Ереван, Карачи, Кутаиси, Лахор, Маскат, Кайр және Сиам қалаларын қамтыймыз, – деді Алматы халықаралық әуежайының президенті.

Қазіргі таңда ең танымал халықаралық бағыттар: Стамбул, Дубай, Анталия, Мәскеу және Ташкент рейстері. Ішкі рейстердің қатарында Астана, Шымкент, Ақтау, Атырау және Ақтөбе бар.

Сондай-ақ спикер әуежайда жаңа терминал құрылысы жүріп жатқанын, жұмыс 53 пайызға орындалғанын айтты. Бұл жұмыстар келесі жылдың жазына дейін аяқталады деп күтілуде.

Сондай-ақ, әуежайдағы автотұрақ пен пандустарды қайта жаңғырту мәселелеріне де ерекше тоқталды. Әуежай басшылығы пандустарды жөндеу жұмыстары осы жаздың ортасында аяқталатынын атап өтті. Бұл ретте олар халықаралық рейстерге пайдаланылатын жаңа пандус салуды жоспарлап отыр.

Жаңа VIP-терминалдың құрылысы аяқталғаннан кейін оның оңтүстік бөлігі автотұрақ үшін пайдаланылатын болады. Екінші пандус салынғаннан кейін тұрақ орны кеңейіп, тұрақ мәселесі шешіледі деп күтеміз, – деді спикер.

Қазір әуежай басшылығы цифрландыру мәселесіне көңіл бөлуде. Мәселен, құрылыс жүріп жатқан терминалда электронды өзін-өзі тіркеу бекеттері мен сандық жүк жүйесін орнату жоспарлануда. Осыған ұқсас жүйелер жөндеу жұмыстары аяқталғаннан кейін қолданыстағы терминалға да орнатылады.

Өзгелердің жаңалығы