Нұр-Сұлтан, BAQ.KZ тілшісі. Бұл туралы Үкіметтің кеңейтілген отырысы Премьер-министр Әлихан Смайылов айтты.
Біз биыл ең кемі 4% экономикалық өсімді қамтамасыз етуіміз керек. Негізгі капиталға салынатын инвестициялар көлемін жалпы ішкі өнімнің 18,5% деңгейіне жеткізуіміз қажет, - деді ол.
Әлихан Смайыловтың айтуынша, шағын және орта бизнестің үлесін ЖІӨ-де 31,3%-ға дейін жеткізу жоспарланып отыр.
Іске асырылып жатқан шаралар нәтижесінде шикізаттық емес экспорт көлемі 26 млрд доллардан астам құрайды. Халықтың табысын арттыру бойынша кешенді шаралар нақты жалақының өсімін 106,3% деңгейінде қамтамасыз етуге мүмкіндік береді. Жұмыссыздық деңгейі 4,9%-дан аспайды, - деп түсіндірді Премьер-министр Әлихан Смайылов.
Ол Үкімет тұрақты экономикалық ортаны қамтамасыз ету және Қазақстан халқының өмір сапасын жақсарту үшін Мемлекет басшысы айқындап берген барлық тапсырманың тиімді әрі сапалы орындалуын қамтамасыз етілетінін жеткізді.
