Қазақстанның бірінші, әлемнің 45-ракеткасы Александр Бублик Галле (Германия) ATP 500 турнирінің жартылай финалына шықты, деп хабарлайды BAQ.kz.
Ол ширек финалда чехиялық Томаш Махачпен кездескен. Қарсыласы – әлемдік рейтингте 23-орында орналасқан. Бублик ойынды ұзаққа созбай, екі сетте шешті. Қорытынды есеп – 7:6 (7:2), 6:3.
Қазақстандық теннисші финалға шығу үшін әлемнің 22-ракеткасы, ресейлік Карен Хачановпен кездеседі. Ол бұған дейін аргентиналық Томас Мартин Этчеверриді жеңді.
Осының алдында Бублик әлемнің 1-ракеткасы италиялық Янник Синнерді ұтып, сенсация жасаған болатын.
