Академик Кенжеғали Сағадиев қайтыс болды

Академик Кенжеғали Сағадиев қайтыс болды
2638

Нұр-Сұлтан, BAQ.KZ. Академик, экономист-ғалым Кенжеғали Сағадиев қайтыс болды. 

25 шілде күні 82 жасында академик Кенжеғали Әбенұлы Сағадиев көз жұмды. Өкінішке қарай, кең тараған ауру біздің отбасымызға да жетті. Жерлеу рәсімі тек отбасы мүшелерінің қатысуымен өтеді. Барлық қоштасу шаралары бір жылдан кейін, 2021 жылы 25 шілдеде өтеді. Бұл оның соңғы өсиеті болды, - деп жазылған Сағадиевтер отбасы таратқан хабарламада.

Кенжеғали Әбенұлы Сағадиев 1938 жылы 18 ақпанда Қостанай облысының Жангелді ауданында дүниеге келген. Экономика ғылымдарының докторы (1977), профессор (1978), ҚР ҰҒА академигі (1994), Қазақстанның еңбек сіңірген ғылым мен техника қайраткері (1996).

Ғылыми еңбектерінің негізгі бағыты: материалдық-техникалық жабдықтаудың экономикалық тиімділігін арттыру мәселелері, Қазақстандағы экономикалық реформа теориясы мен әдіснамасы. 150-ден астам ғылыми еңбегі жарық көрген.


Фото: дереккөз