Нұр-Сұлтан, BAQ.KZ. Мемлекет басшысының жарлығымен Аида Балаева Қазақстан Республикасы Президентінің Әкімшілігі Басшысының орынбасары лауазымына тағайындалды. Бұл туралы Ақорданың баспасөз қызметі хабарлады.
Аида Ғалымқызы Балаева Қазақстан Республикасы Президентінің Әкімшілігі Басшысының орынбасары лауазымына тағайындалсын, - делінген Жарлықта.
Аида Балаева 1974 жылы туған.
Білімі: 2000 жылы Абай атындағы Алматы мемлекеттік университетін орыс тілі мен әдебиеті мамандығы бойынша бітірді.
2007 жылы Қазақ ұлттық аграрлық университетінің заң факультетін тәмамдады.
1999 жылдан бастап - мемлекеттік қызметте. Еңбек қызметін Қазақстан Республикасы Ақпарат және қоғамдық келісім министрлігінің Алматы облыстық Ақпарат және қоғамдық келісім департаментінің қоғамдық-саяси процестерін талдау және үйлестіру бөлімінің жетекші маманымен бастады.
Осы министрліктің жүйесінде 2004 жылға дейін түрлі лауазымдарда жұмыс істеді: жетекші маманнан Алматы қаласы бойынша ақпараттық бөлім бастығының міндетін атқарушы.
2004 жылы Алматы қаласының ішкі саясат департаментінің директорының бірінші орынбасары болып тағайындалды. 2006 жылы Алматы қалалық ішкі саясат Департаментінің директоры лауазымына ауыстырылды.
2008 жылдың 16 сәуірінен бастап, Астана қ. Ішкі саясат басқармасының бастығы, кейіннен департамент директоры қызметін атқарады.
2010 жылдың ақпан айынан 2014 жылдың желтоқсан айына дейін - Астана қаласы әкімінің орынбасары. Осы лауазымда ол келесі функционалдық міндеттерді орындады: әкімнің жарлықтарының, әкімнің шешімдері мен өкімдерінің Қазақстан Республикасының заңнамасымен сәйкестігіне жеке жауапты, ішкі саясат және ақпарат, мәдениет, денсаулық сақтау, білім беру, туризм, дене шынықтыру және спорт бойынша әкімнің актілері мен тапсырмаларын орындауды ұйымдастырды. Ақпараттық және қоғамдық келісім, тілдерді дамыту, жастар саясатының өңірлік қағидаттарын іске асыру және үкіметтік емес ұйымдарды мемлекеттік қолдау саласындағы бағдарламалар мен интеграцияланған іс-шараларды іске асыруда аумақтық органдардың қызметін өзара іс-қимыл жасау және үйлестіру қамтамасыз етілді. Ол топонимика және ономастика мәселелеріне, қаланың визуалды ортасын және қаланың дизайнын ұтымды пайдалану, еңбек, жұмыспен қамту, әлеуметтік әріптестік, көші-қон және демография саласындағы өңірлік саясатты іске асыру бойынша үйлестірілген жұмысқа жауапты болды. Әлеуметтік-саяси, мәдени және спорттық іс-шараларды дайындауға және өткізуге, шығармашылық одақтармен, бұқаралық ақпарат құралдарымен, қоғамдық бірлестіктермен, діни, жастар мен ардагерлермен, ұлттық-мәдени орталықтармен өзара іс-қимыл жасауда қалалық департаменттердің қызметін үйлестіру бойынша практикалық жұмыстар жүргізілді.
Астана қаласы Қазақстан халқы Ассамблеясының Хатшылығы әлеуметтік-мәдени сала бөлімін тікелей басқарады.
2014 жылғы желтоқсаннан бастап - Қазақстан Республикасы Президенті Әкімшілігінің Ішкі саясат бөлімінің бастығы.
Қазақстан Республикасы Президентінің көмекшісі – Қазақстан Республикасы Президенті Әкімшілігінің Өтініштерді қарауды бақылау бөлімінің меңгерушісі
2020 жылы Қазақстан Республикасының Ақпарат және қоғамдық даму министрі болып тағайындалды.
