Алматы, BAQ.KZ. 29 шілде күні полиция қызметкерлері педофил болуы мүмкін деген күдікпен ер адамды ұстады. Бұл туралы lada.kz хабарлады.
Полиция мәліметінше, ер адам сағат 13:00 шамасында № 20 ықшам ауданындағы үйлердің жанындағы балалар алаңынан қыз баланы ертіп әкетіп, келесі подъезге апарып қорламақ болған.
Полиция келгенге дейін күдіктіні сол маңдағы куәгерлер ұстаған.
Бұл дерек бойынша ҚР ҚК-нің 124-бабы 1-тармақшасы бойынша сотқа дейінгі тергеу амалдары басталды. Тиісті сараптамалар тағайындалды, - делінген Полиция департаментінің хабарламасында.
Куәгерлердің айтуынша, күдіктіні полиция келгенге дейін жергілікті тұрғын ұстаған.
