5 айда елімізде өзен көлігімен 153 мың тонна жүк тасымалданды

29 Маусым 2020, 10:36
1961
Бөлісу:
5 айда елімізде өзен көлігімен 153 мың тонна жүк  тасымалданды

Нұр-Сұлтан, BAQ.KZ. Қазақстанда кеме қатынасы Ертіс, Орал-Каспий және Іле-Балқаш бассейндерінде жалпы ұзындығы шамамен 3 262 шақырымдық кеме қатынасы учаскелері бойынша жүзеге асырылады.

Бұл туралы ҚР ИИДМ баспасөз қызметі хабарлады. Өзен көлігі жұмысының қауіпсіздігі мен тиімділігі кеме қатынасына жасалған жағдайға тікелей байланысты.

Кеме қатынасы қауіпсіздігін қамтамасыз ету бойынша жол жұмыстарын және басқа да іс-шараларды "Қазақстан су жолдары" РМҚК жүргізеді.

Биылғы қаңтар-сәуір айларында кәсіпорын кемелер мен кеме қатынасы жағдайы белгілерін навигациялық кезеңге дайындау жұмыстарын жасады. Кеме қатынасы учаскелері бойынша навигацияның ашылуы мемлекеттік тапсырыспен белгіленген мерзімде - сәуір-мамыр айларында жүргізілді. Ертіс өзені су қоймалары Жоғарғы Ертіс каскады деңгейлері арасында кемелердің еркін өтуі кеме жүзетін үш шлюз арқылы қамтамасыз етіледі: Өскемен (1-камералы, қысым фронтының биіктігі 42 м), Бұқтырма (4-камералы, қысым фронтының биіктігі 69 м) және Шүлбі (1-камералы, қысым фронтының биіктігі 29 м), ГЭС бөгеттерімен тең 50 км3 су ұстап тұрады. Шлюздердің апатсыз жұмысын қамтамасыз ету үшін 2020-2025 жылдарға арналған "Нұрлы жол" мемлекеттік бағдарламасы аясында оларға күрделі жөндеу жүргізу көзделген. Биыл осы мақсатқа бөлінген 1,9 млрд. теңгенің 52 % игерілді, - делінген хабарламада.

Ағымдағы жылдың 1 маусымына өзен көлігімен тасымалдау көлемі шамамен 153 мың тоннаны құрады. Бұл өткен жылдың тиісті кезеңімен салыстырғанда +7,8% көп.

Өзгелердің жаңалығы