Нұр-Сұлтан, BAQ.KZ. 3 маусымда ел аумағының басым бөлігінде шаңды дауыл, жел, жауын жауады, деп хабарлайды "Қазгидромет" РМК.
Республика бойынша атмосфералық ауа ағындардың өтуіне байланысты кей жерлерде найзағай жарқылдап, жаңбыр жауады. Кей жерлерде жел күшейеді, батыста шаңды дауылмен, солтүстікте түнде және таңертең тұман түседі.
Қызылорда, Атырау, Ақтөбе, Қостанай, күндіз Батыс Қазақстан, Қарағанды, Шығыс Қазақстан облыстарының кей жерлерінде жел 15-20 м/с жылдамдықпен соғады. Атырау облысында шаңды дауыл болады.
Ақмола, Павлодар, Солтүстік Қазақстан облыстарының кей жерлерінде түнде және таңертең тұман күтіледі, Ақмола облысының кей жерлерінде жел 15-20 м/с күшейеді.
Алматы, Жамбыл, Түркістан, Ақтөбе, Қызылорда, Атырау облыстарында, Маңғыстау, Қарағанды облыстарында қатты ыстық сақталады.
Қызылорда, Павлодар облыстарында, Ақмола, Шығыс Қазақстан облыстарының кей жерлерінде, Жамбыл, Түркістан облыстарының солтүстігінде, Ақтөбе облысының оңтүстігінде өте жоғары өрт қаупі күтіледі.
