2023 жылы шәкіртақы 20 пайызға көтеріледі

2023  жылы  шәкіртақы 20 пайызға көтеріледі
1479

Бұл туралы орталық коммуникациялар қызметінде өткен баспасөз брифигінде мәлім болды, деп хабарлайды BAQ.KZ тілшісі. 

Қазіргі таңда жоғары білім саласындағы  ұлттық саясаттың ең басты міндеттерінің бірі – жоғары білімнің бәсекеге қабілеттілігін арттыру. Осы тұрғыда елімізде бірнеше жобалар жүзеге асырылды.

Қазіргі таңда елімізде 119 жоғары оқу орындарында 600 мыңнан астам студент білім алуда. Соның ішінде 30%-ға жуығы мемлекеттік тапсырыс негізінде білім алуда. Және жыл сайын грант саны да өсуде. Биыл оның саны-88 мыңды құрады. Оның 60%-ы техникалық мамандықтарға берілген. «Серпін» бағдарламасына -3 603 грант бөлінсе, шетелдік азаматтарға 490 грант бөлінген, –  деді Қуаныш Асылханұлы.

Сондай-ақ Ғылым және жоғары білім вице-министрінің сөзінше, биыл гранттарды бөлу моделін жетілдіруді қарастырылып жатыр. Оған қоса студенттердің шәкіртақысы да өскен.

Жаңа оқу жылынан бастап студенттердің шәкіртақысы 20%-ға өсті. Былтыр бакалавриат студенттері – 31000 теңге алса, енді 36000 теңге алып отыр. Магистранттар мен докторанттардың шәкіртақысы биыл 15%-ға өсті, – дейді вице-министр.

  Қуаныш Асылханұлы бұл үрдістің келесі жылы да жалғасатынын тілге тиек етті. Келер жылы да студенттердің шәкіртақысы тағы 20%-ға көтерілмек.

Қысқа да нұсқа. Жазылыңыз telegram - ға

Фото: дереккөз
Өзгелердің жаңалығы