Бұл туралы "Qazcontent" АҚ басқарма төрағасының кеңесшісі Мақат Садық әлеуметтік парақшасында өз ойын білдірді, деп хабарлайды BAQ.KZ.
"Qazcontent" АҚ ұжымы - басқарма төрағасы Бекзат Бақбергенұлының ұйымдастыруымен Мәдениет және ақпарат министрі Аида Ғалымқызының бастамасымен «Ауыл кітапханаларына 100 кітап» акциясына өз үлесін қосты, - дейді ол.
Сондай-ақ ол бүгін елорда іргесіндегі Қосшы қаласындағы 3 мектепке қазіргі кездегі сұранысы көп 100 кітапты сыйға тартқанын тілге тиек етті.
![100 кітап - керемет идея!](/userfiles/images/443720011_7606248422795218_3220318946674949397_n.jpg)
Балалар әдебиеті, көркем әдебиет, тарихи жанрдағы кітаптардың кейбірінде классик жазушыларымыз: С.Мұратбеков, Ә. Кекілбаев, Ф. Оңғарсынова, Н. Айтұлы және басқа да қаламгерлеріміздің қолтаңбалары бар.Кітап - рухани азық дейміз. Біз жанымызды байытқан кітаптарды жеткіншек ұрпақ та оқып, әйгілі тұлғалардың қолтаңбасымен де таныс болса деген ойға келдік…,- дейді кеңесші.
Оның ойынша, кітапты көп оқитын ел болсақ, баспалардан көптеп кітаптар шығып, дүкен сөрелерінен көптеп сатып алынатыны сөзсіз.
![100 кітап - керемет идея!](/userfiles/images/444492811_7606168972803163_7621331803490562954_n.jpg)
Сондықтан да оқыған кітаптарымызға белгі қойып, сыйға тартуды дәстүрге айналдырсақ игі іс ізгілікпен жалғаспақ.Бұл креативті идея тоқтамай жан-жақты жалғаса берсін. Оған барынша үлес қоса берейік, достар!, - дейді ол.