"Қорғас" қызметін тоқтатты
15 Наурыз 2020, 14:32 1037

"Қорғас" қызметін тоқтатты

Нұр-Сұлтан, BAQ.KZ. "Қорғас" шекара маңы ынтымақтастығы халықаралық орталығының жұмысы тоқтатылды. Бұл туралы Алматы облысы әкімінің баспасөз қызметі хабарлады.

Қазақстан Республикасында коронавирус инфекциясының тіркелуі лабораториялық зерттеумен расталуына байланысты және облыс аумағында ол вирустың таралуына жол бермеу мақсатында Алматы облысының бас санитарлық дәрігері Қайрат Баймұхамбетов "Алматы облысында коронавирус инфекциясының таралуына жол бермеу бойынша қосымша шаралар қабылдау туралы" қаулы қабылдады, - деп хабарлайды облыс әкімдігінен. 

Аталған қаулы елдің тиісті заңнамасына сәйкес және Денсаулық сақтау министрі мен Алматы облысының әкімімен бекітілген "Қазақстан Республикасында коронавирус инфекциясының тіркелуі мен таралуы кезіндегі әрекет алгоритміне" сай қабылданған. 

Қаулыда 15 наурыздан бастап облыстың бас мемлекеттік санитарлық дәрігерінің ерекше өкімі шыққанға дейін "Қорғас" шекара маңы ынтымақтастығы халықаралық орталығының жұмысын тоқтату туралы айтылады. Сонымен қатар қаулыға сәйкес өндірістің барлық нысанында санитарлық-дезинфекциялық режім күшейтіледі. Халық көп әрі ұзағынан жиналатын ғимараттарда қолды жууға арналған дезинфекциялық құрылғылармен бірге арнайы құрылғылар (санитайзерлер) орнатылады, - делінген облыс әкімдігінің баспасөз қызметі таратқан хабарламада.


Фото: ашық дереккөз
Загрузка...