Нұр-Сұлтан, BAQ.KZ. Ұлттық статистиканың мәліметінше, демографиялық өсім жағынан Шымкент мегаполистер арасында көш бастап тұр.
Демографиялық дүмпу бірінші кезекте туу көрсеткішінің жоғары болуына байланысты. Қуаныштысы сол қалада биыл дүние есігін ашқан егіздердің саны өскен.
Шымкент қаласы әкімдігінің баспасөз қызметінің мәліметінше, жыл басынан бері қалада 305 егіз дүниеге келген. Өткен жылғы көрсеткішпен салыстырғанда егіздер саны 100-ге артық дейді дәрігерлер. 2021 жылы сыңарымен туған шақалақтардың басым бөлігі – қыз.
Байқасаңыздар, екі немесе одан да көп сыңардың бір мезетте егіз болып тууы барысында жүктілік мерзімі қысқа, сәбилердің салмақтары қалыпты жағдайдан жеңілірек болады. Сондықтан болар, егіздердің көбі – шалабайлар. Шала туған сәбиді перзентханадан бірден шығармаймыз. Туған күннен бастап бір айға дейін күтім жасаймыз. Осы уақыт аралығында анасы мен сәбидің денсаулығында ешқандай кінәрат болмаса, үйге шығуға рұқсат етеміз, - дейді Шымкент қалалық перинаталдық орталықтың дәрігері Жанат Үсенбаева.Шымкентте жыл басынан бері 29 105 сәби дүние есігін ашқан. Биыл туған шақалақтың 14 105-сі – қыз, 15 000-ы – ұл. Ал үшемдердің саны бесеуге жетті.
