Нұр-Сұлтан, BAQ.KZ. «Жусан» операциясы туралы деректі фильм және Сириядан оралған қазақстандық әйелдердің бірінің бейне-үндеуі БҰҰ-ға мүше мемлекеттердің көшпелі отырысына қатысушылардың нақты қызығушылық туғызды. Бұл туралы ҚР Сыртқы істер министрлігінің баспасөз қызметі мәлімдеді.
Қазақстанның БҰҰ жанындағы Тұрақты өкілдігі мен БҰҰ-ның Терроризмге қарсы басқармасы Нью-Йорк қаласының маңайында ұйымдастырған «Терроризмнен азат әлемге және БҰҰ 2030 жылға дейінгі тұрақты даму күн тәртібіне қол жеткізу үшін дамушы елдердің синергиясы» атты іс-шараға 50 мемлекеттердің 100 астам өкілдері қатысты.
Көшпелі отырыстың негізгі мақсаты терроризммен ұлттық, өңірлік және жаһандық деңгейде тиімді күресу үшін бірлескен күш-жігерді үйлестіру механизмдерін талқылау болды. Терроризмге қарсы күреске тұрақты дамудың қалай көмектесетіні туралы тәжірибе және нақты ұсыныстармен алмасу өтті.
Қазақстан Республикасының Елшісі Қайрат Омаров үкіметтің терроризмнің түпкі себептерімен күресуде қабылданған практикалық қадамдары туралы әңгімеледі. Ол қауіпсіздік мәселелері, терроризммен күрес және дамудың өзара тәуелділігін атап өтіп, Қазақстан осы мәселелерді шешуге өз үлесін қосып, Алматыда пилоттық БҰҰ Орталық Азия мен Ауғанстан елдерінің орнықты даму мақсаттары бойынша өңіраралық орталығын құрып отыр.
БҰҰ Бас хатшысының орынбасары, БҰҰ Терроризмге қарсы басқармасының басшысы Владимир Воронков өз сөзінде Қазақстанға терроризмге қарсы күреске жоғары жақтаушы және бұлжымас басшылығы үшін Қазақстанға алғысын білдірді. Оның айтуынша, Қазақстанның Терроризмнен азат әлемге қол жеткізу тәртібінің кодексті қабылдау туралы бастамасы – терроризмге қарсы іс-қимылда халықаралық ынтымақтастықты нығайтуға қосқан елеулі үлесі.
Кодекстің жаңашыл элементі – әлеуметтік-экономикалық дамуы арқылы осы жаһандық зұлымдықпен күресу үшін ұжымдық әрекеттерді үйлестіру. Қазақстан өздерінің азаматтарын қақтығыс аймағынан эвакуациялаған әлемдегі аздаған мемлекеттердің біріне айналды және оларды қалыпты өмірге қайтару үшін белсенді жұмыс жасауда.
Осы отырыс үшін Сириядан «Жусан» операциясы аясында оралған қазақстандық әйелдердің бірі іс-шараға қатысушыларға көрсетілген бейне-үндеуін жазды. 25 жастағы Аида Сарина өзінің Сирияға қалай келгені туралы естеліктерімен бөлісті және террористер арасында өмір сүруінің күрделі жағдайлары туралы әңгімелеп берді. Ол өз еліне оралу мүмкіндігі үшін Қазақстан үкіметіне шынайы алғысын білдірді.
«Күйеуім қайтыс болғаннан кейін мен тірі қалу үшін күресіп жүрдім... Түнде ұйықтап жатқанда, таңертең оянатынымды білмедім. Бізге тұйық болды. Біз дымқыл жердің үстіне ұйықтайтынбіз. Күн сайын балалар аналарының қолынан қаза тауып, ал олар оларға көмектесе алмады. Мен Қазақстаннан құтқарушыларды өз көзіммен көргенде, бізді тастап кетпегенімізді түсіндім... Менімен бірге Франциядан, Германиядан және басқа елдерден келген әйелдер болды. Олар бізге өте қызғантып қарады, Қазақстан оларды да алып кете ала ма деп біліп көріп сұрады, немесе кем дегенде олардың балаларын Сириядан алып кетуін сұрады. Сол езде мен осы әйелдерге көмектесе алмадым», - деп айтты А.Сарина.
Өз үндеуінде Аида Сарина терроризмге қарсы күрескер болуға дайын екенін мәлімдеді.
«Ия, мен терроризмнің құрбанымын. Бірақ қазір терроризмге қарсы күрескер болғым келеді, осы үлкен мақсаттың бір бөлігі болуға және өз үлесімді қосқым келеді. Мен терроризмнен зардап шеккен барлық әйелдердің дауысы болғым келеді!», - деді қазақстандық әйел.
Сол күні БҰҰ Бас ассамблеясы «Терроризм құрбандарына көмек көрсетудегі халықаралық ынтымақтастықты кеңейту» атты резолюцияны бірауыздан қабылдады. Бұл құжат барлық мүше мемлекеттерді ұлттық заңнамаға және гендерлік аспектілерге сәйкес терроризм құрбандарына арналған кешенді көмек жоспарларын жасауға шақырады.
Көшпелі отырысқа басты спикерлер ретінде БҰҰ Экономикалық және әлеуметтік кеңесінің басшысы, Сент-Винсент және Гренадиндерінің Тұрақты өкілі Инга Ронда Кинг, БҰҰ Бас ассамблеясының келесі төрағасы, Нигерияның БҰҰ-дағы Тұрақты өкілі Тиджани Мухаммад-Банде, БҰҰ Терроризмге қарсы орталығының және БҰҰ жанындағы Терроризмге қарсы күрес жөніндегі Ислам ынтымақтастық ұйымы мүше мемлекеттер тобының төрағасы, Сауд Арабиясының Тұрақты өкілі Абдалла Аль-Муаллими, Ауғанстан, Мысыр, Өзбекстан және Африка одағының елшілері сөз сөйледі.
Сонымен қатар, іс-шара барысында Инга Ронда Кинг өз елінің атынан Қазақстан Республикасының Тұңғыш Президенті Нұрсұлтан Назарбаев бастамашылық еткен Терроризмнен азат әлемге қол жеткізу тәртібінің кодексіне қол қойды. Сент-Винсент және Гренадиндер қазір енді әлемнің 80-ден астам мемлекеттерден тұратын жаһандық терроризмге қарсы коалицияға қосылды.
