Жолаушылар тасымалы қалыпты режимде жүріп жатыр

23 Қыркүйек 2022, 17:44
1079
Бөлісу:
Жолаушылар тасымалы қалыпты режимде жүріп жатыр

Бұл туралы Индустрия және инфрақұрылымдық даму министрлігі мәлімдеді, деп хабарлайды BAQ.KZ.

Соңғы күндері Ресей азаматтарының көршілес мемлекеттерге жаппай көшуі қоғам арасында үлкен резонанс тудыруда. Әлеуметтік желілерде шекаралық өткізу бекеттеріндегі қалың нөпір мен ұзын-сонар кезек жайындағы түрлі ақпараттар таралуда. Аталған жазбалардағы пікірлерге қарағанда бұл мәселе отандастарымыздың ерекше назарын аударып отыр. Өз тәжірибемнен білетіндей, ерте ме, кеш пе – бұқаралық ақпарат құралдары өкілдері тарапынан Индустрия және инфрақұрылымдық даму министрлігіне осы мәселе турасында көптеген журналистік сауалдар түсуі мүмкін. Себебі, біздің ведомство автомобиль, темір жол және әуе көлігі арқылы жолаушылар тасымалына жауапты, - делінген хабарламада.

Министрліктің мәліметінше, бүгінде еліміздің барлық көлік инфрақұрылымы штаттық режимде жұмыс істеп жатыр. Пойыздар мен ұшақтар және автобустар қалыпты деңгейде жолаушылар тасымалын қамтамасыз етуде.

Республикалық маңызы бар көлік жолдарындағы қазіргі жағдай мен ондағы қозғалыс қарқындылығы да алдыңғы апталардағыдай қалыпты деңгейде. Сондай-ақ Ж. Омархан тасымалдау сыйымдылығын арттыру және рейстердің кешігу санын азайту мақсатындағы тапсырманы орындау шеңберінде отандық әуе паркі тағы бір «Boeing-737» ұшағымен толыққаны туралы да хабарлады. Бұл SCAT авиакомпаниясының соңғы бір жарым айда алған төртінші «Boeing» әуе кемесі. Сыйымдылығы 189 орындықты құрайтын әуе кемесі авиакомпания паркіндегі ұшақтар санын 30-ға дейін арттырды. Биылғы жылдың соңына дейін Қазақстанның азаматтық авиация флоты тағы да 10 әуе бортымен толығады деп жоспарланып отыр, - делінген хабарламада.

Өзгелердің жаңалығы