Талдықорған қаласының прокуратурасы интернет-алаяқтардың әрекетінен зардап шеккен азаматқа ақшалай қаражатын толық көлемде қайтаруға қол жеткізді, деп хабарлайды BAQ.KZ.
Сәтті операция қаржылық активтерді қорғаудың заманауи цифрлық құралдарын қолданудың арқасында мүмкін болды.
ҚР Қылмыстық кодексінің 190-бабы 3-бөлігі бойынша сотқа дейінгі тергеп-тексеру шеңберінде прокурорлар ҚР Ұлттық Банкінің «Антифрод-орталығы» платформасында инцидент құруға бастамашылық етті. Бұл ұрланған ақша түскен банктік шоттарды жедел анықтауға және бұғаттауға мүмкіндік берді. «Төлемдер және төлем жүйелері туралы» Заң нормаларына сәйкес қабылданған шаралардың нәтижесінде, 850 000 тенге ұрланған сома күдіктілердің шоттарынан алынып, заңды иесіне қайтарылды, – делінген прокуратура хабарламасында.
Жетісу облысының прокуратурасы ескертеді: киберқылмыспен күресте уақыт факторы шешуші рөл атқарады. Құқық қорғау органдарына дер кезінде жүгіну және транзакциялар туралы деректерді ұсыну – қаражатты бұғаттау мен қайтарудың жоғары кепілі.
Азаматтардың құқықтарын қорғау және интернет-алаяқтыққа қарсы іс-қимыл прокуратура органдарының қадағалау қызметіндегі басым бағыттары болып қала береді.
Айта кетейік, Астана полицейлері алаяқтар ұрлап кеткен 39 миллион теңгені зейнеткерге қайтарып берген еді. Өткен жылы телефон алаяқтары 6,1 мыңнан астам адамды алдаған.
