Жетісайда көші-қон заңнамасын бұзған 30-ға тарта азамат жауапқа тартылды

8 Шілде 2021, 14:44
1478
Бөлісу:
Жетісайда көші-қон заңнамасын бұзған 30-ға тарта азамат жауапқа тартылды

Нұр-Сұлтан, BAQ.KZ. ІІМ-нің тапсырмасы негізінде республика көлемінде көші-қон саласындағы заңсыздықтарды анықтау, алдын алу бойынша Жетісай ауданында биыл 05-12 шілде күндері аралығында «Заңсыз келуші 2021» профилактикалық іс-шарасы өткізіліп жатыр. 

Бұл шараның басты мақсаты - аудан аумағындағы шетелдіктерді тиісті құқық тәртібін қамтамасыз ету, заңсыз келген және осында тұрып жатқан шетелдіктерді, оған қоса заңсыз көші-қон арналары мен оларды ұйымдастырушыларды анықтау, Қазақстан Республикасы аумағына келу, болу, кету ережелерін сақтау. 

Осы орайда Жетісай АПБ көші-қон қызметі бөлімшесінің қызметкерлерімен тиісті рейдтік жұмыстар жүргізіліп, нәтижесінде 05-07 шілде күндері аралығында Жетісай ауданында ҚР ӘҚБтК-нің талаптарын бұзған жалпы  22 шетел азаматы және ҚР 4 азаматы анықталды. Қазіргі таңда 22-шетел азаматына қатысты ҚР ӘҚБтК-нің 517 бабы 5-бөлігімен «Заңсыз жұмыс жасағаны үшін» іс-құжаттар жинақталып, Жетісай аудандық сотына жолдануда, - делінген ақпаратта.

Сонымен қатар ҚР азаматтарына қатысты ҚР ӘҚБтК-нің 518-бабының 1-бөлігімен «Шетел азаматтарын белгіленген мерзім ішінде уақытша тіркеуге қоймағаны үшін» 2 азамат, 519-баптың 1-бөлігімен «Шетел азаматтарын заңсыз жұмыс күшіне пайдаланғаны үшін» 2 азаматқа қатысты әкімшілік хаттама толтырылды. 


Өзгелердің жаңалығы