Нұр-Сұлтан, BAQ.KZ тілшісі. Кеше ел Президенті Қасым-Жомарт Тоқаев жерді шетелдіктерге сатуға және жалға беруге біржола тыйым салуды көздейтін заң жобасын Мәжіліске жолдағанына қатысты Президентінің көмекшісі Ерлан Қарин телеграмдағы арнасында пікір білдірді.
Ол 2021 жылғы 25 ақпанда Ұлттық қоғамдық сенім кеңесінің бесінші отырысында Мемлекет басшысы ауыл шаруашылығы жерлерін шетелдіктер мен шетелдік заңды тұлғаларға сатуға және жалға беруге тыйым салуды заңнамалық тұрғыдан бекітуді тапсырғанын айтты.
Қасым-Жомарт Тоқаев Президенттің заң шығару бастамасы аясында заң жобасын дайындау қажеттігін атап өтті. Ұлттық Кеңес отырысынан кейін бірден Президент Әкімшілігі тиісті жұмысты бастады. Заң жобасы барынша қысқа мерзімде дайындалды және келісілді, - деді ол.
Қарин атап өткендей, кеше ҚР Конституциясының 61-бабының 1-тармағына сәйкес Мемлекет басшысының ҚР Парламент Мәжілісіне арнайы жолдауымен шетелдіктерге жер сатуға және жалға беруге тыйым салуды қарастыратын «Жер қатынастары мәселелері бойынша ҚР кейбір заңнамалық актілеріне өзгерістер мен толықтырулар енгізу туралы» ҚР заң жобасы жолданды.
Жер қатынастары мәселелері Ұлттық Кеңестің алғашқы жұмыс күнінен бастап күн тәртібіндегі орталық орындардың бірін иеленгенін атап өткен жөн.Сондықтан Президенттің ауыл шаруашылығы жерлерін шетелдіктерге сатуға және жалға беруге тыйым салу туралы шешімі НСОД алаңында айтылды. Бұл осы диалог алаңының қажеттілігі мен тиімділігін тағы да көрсетеді, - деп түсіндерді Президент көмекшісі.
