Білім министріне қатысты тағы бір жалған ақпарат тарады

Білім министріне қатысты тағы бір жалған ақпарат тарады
5374

Нұр-Сұлтан, BAQ.KZ. Instagram-да Білім және ғылым министрі Асхат Аймағамбетов түлектерге елден кетуге кеңес бергені туралы хабарлама таратылуда. Бұл сатиралық аккаунтта жарияланған фейк, деп жазды stopfake.kz.

Шын мәнінде, Асхат Аймағамбетов «Мүмкіндігінше Қазақстаннан кетіңдер. Әрқашан да қайтып келуге болады» деп айтпаған. Бұл туралы Білім және ғылым министрлігінен хабарлады. Бұл ақпарат шындыққа жанаспайды, – деп атап өтті ведомстводағылар.

Министрдің ерекше «кеңесі» туралы жаңалықтың түпнұсқасы @qaznews24 сатиралық Instagram-аккаунтында жарияланған. Парақшаның сипаттамасында жазылғандай, онда тек ойдан шығарылған жаңалықтар ғана беріледі.

Қазақстандағы фейк-ньюс. Қоғам және саясат. Сатиралық мазмұн. Барлық сәйкестіктер кездейсоқтық, – делінген профильде.


Фото: ашық дереккөз
Өзгелердің жаңалығы