9 ақпанда 13 облыста ауа райына байланысты дауылды ескерту жарияланды, деп хабарлайды BAQ.KZ "Қазгидромет" РМК баспасөз қызметіне сілтеме жасап.
Қызылорда облысының орталығында, шығысында көктайғақ, тұман болады деп күтіледі. Қызылордада да кей уақыттарда көктайғақ, тұман болады деп болжанады.
Батыс Қазақстан облысының батысында, оңтүстігінде тұман түседі деп күтіледі. Күндіз облыстың батысында, оңтүстігінде солтүстік-батыстан соққан желдің екпіні 15-20 м/с құрайды.
Күндіз Павлодар облысының орталығында, оңтүстігінде батыстан жел соғады, екпіні -15-20 м/с. Павлодарда да күндіз батыстан соққан желдің екпіні 15-20 м/с құрайды.
Түнде және таңертең Қарағанды облысының солтүстігінде тұман түседі деп күтіледі.
Күндіз Абай облысының батысында, солтүстігінде, орталығында қар жауып, жаяу бұрқасын жүреді деп күтіледі. Түнде және таңертең облыстың солтүстігінде, орталығында тұман болады. Облыстың оңтүстігінде, орталығында солтүстік-шығыстан оңтүстік-батысқа ойыса соққан желдің екпіні 15-20 м/с құрайды.
Түнде және таңертең Ұлытау облысының солтүстігінде солтүстік-шығыстан жел соғады, екпіні - 15-20 м/с.
Күндіз Шығыс Қазақстан облысының солтүстігінде, шығысында қар жауып, жаяу бұрқасын жүреді деп күтіледі. Түнде және таңертең облыстың солтүстігінде, оңтүстігінде тұман түседі. Өскеменде де түнде және таңертең тұман болады.лама
Солтүстік Қазақстан облысының батысында, солтүстігінде, оңтүстігінде тұман түседі деп күтіледі. Күндіз облыстың батысында көктайғақ болады, күндіз облыстың оңтүстік-шығысында батыстан, солтүстік-батыстан соққан желдің екпіні 15-20 м/с құрайды. Петропавлда да тұман түседі деп күтіледі.
Ақтөбе облысының солтүстігінде, шығысында, орталығында жаяу бұрқасын жүреді, облыстың солтүстігінде, шығысында, орталығында солтүстік-шығыстан жел соғады, екпіні - 15-20 м/с, Мұғалжар ауданында соққан желдің екпіні 23 м/с дейін жетеді. Ақтөбеде солтүстік-шығыстан жел соғады, түндегі екпіні - 15 м/с.
Ақмола облысының солтүстігінде, шығысында, оңтүстігінде тұман түседі деп күтіледі. Облыстың шығысында батыстан, солтүстік-батыстан жел соғады, екпіні - 15-18 м/с. Көкшетауда да тұман болады.
Жамбыл облысының оңтүстігінде, таулы аудандарында тұман түседі деп күтіледі. Солтүстік-шығыстан жел соғады, облыстың солтүстік-шығысында, таулы аудандарында соққан желдің екпіні 15-20 м/с, түндег екпіні 23 м/с дейін жетеді. Таразда кей уақыттарда тұман түседі.
Қостанай облысының оңтүстігінде жаяу бұрқасын жүреді деп күтіледі. Облыстың солтүстігінде, шығысында тұман түседі. Облыстың оңтүстігінде солтүстік-батыстан соққан желдің екпіні 15-20 м/с құрайды. Қостанайда тұман болады деп күтіледі.
Жетісу облысының солтүстік-шығысында, Алакөл көлдері ауданында шығыстан соққан желдің екпіні 15-20 м/с құрайды. Түнде және таңертең шығыста, облыстың таулы аудандарында тұман болады деп күтіледі.
