Жедел жәрдем жүргізушілерінің жалақысы төмен – Жаңбыршин

10 Қазан 2022, 15:55
1575
Бөлісу:
Жедел жәрдем жүргізушілерінің жалақысы төмен – Жаңбыршин

Жедел жәрдем көлігінің жүргізушілерінің жалақысы еңбектеріне сай емес. Мәжіліс депутаты Еділ Жаңбыршин осылай деп мәлімдеді, деп хабарлайды BAQ.KZ тілшісі.

Менің министрге және Маңғыстау облысының әкімдігіне қоятын сұрағым бар. Биыл қаңтар айынан бастап медицина қызметкерлерінің жалақысы орта есеппен 20-30%-ға ұлғайды. Сонымен қатар, денсаулық сақтау объектілерінде медициналық персоналдан басқа медициналық емес қызметкерлер, атап айтқанда, жедел жәрдем көлігінің жүргізушілері де бар. Осы жылдан бастап 23%-ға өскеннен кейін жүргізушілердің жалақысы, түнгі кезекшілікті қоса алғанда, сағат нормасы бойынша -  85-100 мың теңгені. Пациенттердің өмірі кейде бүкіл бригаданың, оның ішінде жүргізушінің кәсіби шеберлігіне байланысты. Сонымен қатар, заңнамаға сәйкес, жедел жәрдем көлігінің жүргізушісі алғашқы медициналық көмек көрсету дағдыларына ие болуы керек. Бірақ бүгінгі таңда олардың жалақылары төмен және өздерінің жүктемесіне сәйкес келмейді, әрине, мұндай жағдай олардың наразылығын туғызуы заңды құбылыс, - деді Жаңбыршин.

Оның айтуынша, бұл мәселеге Маңғыстау облысында жуырда болып өткен наразылықтар мысал бола алады.

Осыған байланысты, құрметті Ажар Ғиниятқызы, денсаулық сақтау ұйымдарының медициналық емес қызметкерлеріне еңбекақы төлеу жүйесі қашан қайта қаралады? Осы жөнінде түсіндіруіңізді сұраймын. Екінші сұрағым Маңғыстау облысының әкімдігіне арналады. Жедел жәрдем көлігінің жүргізушілерімен болған жағдай қалай шешілді және оларға қандай қосымша қолдау шаралары көрсетіледі?, - деді депутат. 

Өзгелердің жаңалығы