"Жазаны күшейтуді талап етемін". Тоқаев балаларға жасалған зорлық-зомбылық жайлы

1 Қыркүйек 2023, 12:20
996
Бөлісу:
"Жазаны күшейтуді талап етемін". Тоқаев балаларға жасалған зорлық-зомбылық жайлы
Фото: Ақорда

Бұл туралы Мемлекет басшысы Қасым-Жомарт Тоқаев Парламент палаталарының бірлескен отырысында айтты, деп хабарлайды BAQ.KZ тілшісі.

Мен Мемлекет басшысы ретінде кәмелетке толмағандарға жасалған зорлық-зомбылықтың кез келген түріне қатысты жазаны күшейтуді талап етемін. Жол, ғимарат, киім-кешек, азық-түлік, яғни барлығы балалар үшін қауіпсіз болуы керек. Сондай-ақ өскелең ұрпақтың психикалық саулығы – өте маңызды мәселе, - деді Президент Парламент палаталарының бірлескен отырысында.

Тоқаев білім беру мекемелеріндегі психологиялық қолдау қызметін институционалды түрде күшейту қажет екенін айтты.

Бірыңғай сенім телефонын ұйымдастырған жөн. Зорлық-зомбылыққа және қысымға, яғни буллингке тап болғандарға көмек көрсетуге арналған бағдарлама әзірлеу керек. Сапалы орта білім алу – әрбір баланың мызғымас құқығы. Мұндағы ең түйінді сөз – «сапа». Сондықтан білім сапасын жақсарту және мұғалімдердің біліктілігін арттыру ауадай қажет, - деп тапсырды Президент.

Өзгелердің жаңалығы