Жайық-Каспий бассейнінде балық шабақтарының қырылуы алдын алынды

Балық шаруашылығы комитетінің Жайық-Каспий облысаралық бассейндік балық шаруашылығы инспекциясы қызметкерлерінің жедел іс-қимыл жұмысы барысында балық шабақтары шоғырланған су жайылымы анықталды, деп хабарлайды BAQ.KZ.

"ҚазСуШар" Төменгі-Жайық филиалының, Махамбет ауданы Бақсай ауылдық округі әкімдігінің, Теңіз және Махамбет балық инспекциясы бөлімдері қызметкерлерінің бірлескен үйлесімді жұмысының нәтижесінде 300 мың дана балық шабақтары құтқарылып, Жайық өзеніне жіберілді. 

Жайық өзенінің жағалау жиегінің мониторингі жалғасуда.