Нұр-Сұлтан, BAQ.KZ. Аустрия үкіметі Венада радикалды ислам идеяларын тарататын екі мешіттің жабылуын бұйырды.
Австрияның Мәдениет министрі Сюзанна Раабтың айтуынша, шабуылдаушы шабуыл жасамас бұрын оларға бірнеше рет барған. Сонымен бірге, AFP хабарлағандай, осы екі мекеменің біреуі ғана мешіт ретінде ресми түрде тіркелген.Сонымен қатар, Венаның Конституцияны қорғау және терроризмге қарсы күрес жөніндегі жер бөлімінің басшысы Эрих Цветтлер қызметінен босатылды. Бұл туралы 6 қараша күні өткен баспасөз мәслихатында Вена полициясының басшысы Герхард Пурстл Цветтлердің өзі «тергеудің дұрыс жүруіне кедергі келтірмеу үшін» өтініш бергенін айтты.
Сонымен бірге, Аустрияның Ішкі істер министрі Карл Нехаммер дәл сол күні, 6 қарашада террорлық шабуылдардың алдын алуға жауапты бөлім өз жұмысында «төзімділікпен қарауға болмайтын» бірқатар «айқын» қателік жібергенін мойындады. Сонымен, Нехаммердің айтуынша, қылмыскер Германияның Конституцияны қорғау жөніндегі басқармасы бақылауда ұстаған адамдармен байланыста болған. Алайда аустриялық бөлімге неміс әріптестері берген тиісті ақпарат назардан тыс қалды.
Естеріңізге сала кетейік, 2 қараша күні кешке Солтүстік Македониядан келген 20 жастағы аустриялық паспорты бар Ф. Куйтим Венаның орталық кварталдарының бірінде оқ жаудырды. Нәтижесінде екі ер адам мен екі әйел, оның ішінде бір Германия азаматы қайтыс болды, 22 адам жарақат алды. Полиция қылмыскерді сол жерде атып өлтірді. Аустриялық билік бұл жағдайдың террорлық акт екенін мойындады. Ол үшін жауапкершілікті көптеген елде тыйым салынған Ислам мемлекеті террористік тобы өз мойнына алды.
