Нұр-Сұлтан, BAQ.KZ. АҚШ Конгресі сайлаушылардың дауыстарын санау және демократ Джо Байден жеңген 2020 жылғы президенттік сайлаудың нәтижелерін түпкілікті растау үшін жиналды. Вашингтондағы жаппай наразылықтан кейін кетіп бара жатқан президент Дональд Трамптың жақтастарының бір бөлігі Конгресс ғимаратына кірді, деп хабарлайды bbc.com.
Дональд Трамп сертификаттау рәсімін бұзуға үміттенбек. Жиналыс басталарға дейін ол Вашингтонның орталығында мыңдаған адам қатысқан митингіде сөз сөйлеп, жеңілісті мойындаудан бас тартып, жақтастарын Капитолий ғимаратына баруға шақырады.
Түн ортасында АҚШ Конгресі мен Сенатының ғимараттарын күзететін полиция Трамптың жақтастарын Капитолийдан толығымен қуып шығарды.Алайда полиция әлі наразылық білдірушілерді ұстауға тырыспады және тек Трамптың жақтастарын аумақты босатуына көндірді.
Құқық қорғау органдары президент Трамптың жақтастарын Капитолий ғимаратынан қуып шығарғаннан кейін, конгресс басшылары АҚШ-тың сайланған президенті Джо Байденге берілген дауыстарды жинауды жалғастыруға дайын екендіктерін мәлімдеді.
Конгресстегі демократиялық көпшіліктің жетекшісі Джеймс Клайберн атап өткендей, екі палатаның өкілдері полициямен және Әділет департаменті, Федералды тергеу бюросының өкілдерімен келіссөздер жүргізді, олар заң шығарушылар сайлау нәтижелерін сертификаттауға оралуы мүмкін деп сендірді.
Бірақ Трамптың жүздеген жақтастары Конгресс ғимаратының сатысына көтерілгеннен кейін, бірлескен сессия тоқтатылды, төрағалық етуші Майк Пенс қауіпсіздік мақсатында ғимараттан шықты.Парламенттік кешен ғимаратындағы полиция қызметкерлері демонстранттарға конгрессмендерді қорғау үшін қару-жарақпен қорқытқан, - делінген хабарламада.
Вашингтон қаласының мэрі Муриэль Баузер қалада сағат 18:00-ден 06:00-ге дейін коменданттық сағат енгізілетінін мәлімдеді.
