Осы демалыста ел бойынша барлық смартфондарда дабыл сынағы жүргізілді, деп хабарлайды BAQ.KZ.
Бұл жүйе арқылы тұрғындар төтенше жағдай туралы, соның ішінде өрт, су тасқыны, шабуыл, теракт сияқты қауіп-қатерге қатысты ескерту алады.
Жаңа хабарландыру жүйесіне сәйкес, 4G және 5G желісін пайдаланатын барлық телефондарда бір мезгілде 10 секунд бойы дабыл дыбысы шығады.
Дегенмен, сынақ барысында кем-кетіктер байқалды. Кейбір адамдар телефондарына хабарлама келмегенін, енді бірі мүлдем ешқандай дыбыс шықпағанын айтқан.
