Нұр-Сұлтан, BAQ.KZ. Ұлыбританияның энергетикалық компаниялары газ бағасының күрт өсуіне байланысты ауқымды экономикалық дағдарыс туралы хабарлады, деп жазады The Telegraph.
EDF, Good Energy және Energy UK басшылары ел үкіметінен газ бағасының өсуіне байланысты жағдайды шешуге көмектесу үшін қажетті шараларды әзірлеуді және қабылдауды сұрады. Сарапшылар Ұлыбританияның энергетика саласы жанармай тапшылығына байланысты дағдарысқа ұшырағанын айтты. Олар бұған Ресейді кінәлады, өйткені ол «Еуропаға жеткізілім көлемін арттырмайды».
Бұл ұлттық дағдарыс. Газ бен электр қуатының көтерме бағасы соңғы үш аптада бұрын-соңды болмаған деңгейге көтерілді, - деді Найджел Поклингтон.
Ұлыбритания бұған дейін Ресейді газ мәселесіне байланысты айыптаған болатын. Қазан айында Daily Mail газеті ел жанармай импортына баса назар аударғандықтан Ресей президенті Владимир Путиннің шешіміне тәуелді болды. Газет Ұлыбританияның энергетикалық қауіпсіздікті сақтау үшін өз ресурстарын азырақ пайдаланып, осалдығын арттыратынын атап өтті.
