Ұлттық әскери-патриоттық орталық Наурызды ерекше қарсы алды

Ұлттық әскери-патриоттық орталық Наурызды ерекше қарсы алды
PHOTO
457

"Наурыз – бірлік мерекесі". Осындай атаумен елордадағы Қарулы күштердің Ұлттық әскери-патриоттық орталығында есте қаларлық мерекелік іс-шара өтті, деп хабарлайды BAQ.KZ ҚР Қорғаныс министрлігі баспасөз қызметіне сілтеме жасап.

Орталықтың кең залында бой көтерген қазақ ауылы ұлттық нақышымен көз тартады. Ұлттық әскери-патриоттық орталықтың бастығы Арман Әсенов төл ұжымы мен меймандарды Наурыз мерекесімен құттықтады.

Ұлттық әскери-патриоттық орталық Наурызды ерекше қарсы алды

Наурыз ежелден келе жатқан мереке. Бұл мейрам көктемнің келуін, жаңа өмірдің басталуын, амандық пен молшылықты бейнелейді. Біздің ата-бабаларымыз отбасылық құндылықтарға деген көзқарасымен, аға буын мен жас ұрпақ арасындағы ұрпақтар сабақтастығымен ерекшеленді. Бүгін біз бабадан қалған мұра салт-дәстүрлерімізді көрсеттік, - деп атап өтті Қазақстанның еңбек сіңірген қайраткері.

Ұлттық әскери-патриоттық орталық Наурызды ерекше қарсы алды

Орталықтың әрбір бөлімшесі қазақтың ұлттық салт-дәстүрлерін ұсынды. Басқарма ұжымы баланың тұсауын кесіп, жолының жеңіл әрі жарқын болғанын тіледі.

Ұлттық әскери-патриоттық орталық Наурызды ерекше қарсы алды

Мемлекеттік әскери-тарихи мұражайдың қызметкерлері жас келіннің бетін ашса, Орталық ансамбльдің әртістері сырға салу рәсімін жасады. Ал Орталық әскери оркестрдің музыканттары құйрық-бауыр жескен құдалық өткізді. Қазақтың халық әндері мен билерін орындаған Орталық өнерпаздары жиналғандарға мерекелік көңіл-күй сыйлады. Іс-шараға қатысушылар Наурыз көже мен ұлттық тағамдардан дәм татты.

Қысқа да нұсқа. Жазылыңыз telegram - ға

Фото: ҚР Қорғаныс министрлігінің баспасөз қызметі
Өзгелердің жаңалығы