Алматы, BAQ.KZ. Бүгін Украинада коронавирусты жұқтырған тағы 550 адам анықталды. Бұл туралы Мемлекеттік комиссияның шұғыл штабы хабарлады.
Бұл елде коронавирус инфекциясын жұқтырғандардың жалпы саны 11 411-ге жетті. Соңғы кезеңде 7 адам көз жұмды. Жалпы, қауіпті індеттің салдарынан қайтыс болғандар саны - 279. Тағы 85 науқас жазылып шықты. Украинада барлығы 1 498 адам сауығып шыққан.
Ал, Ресейде COVID-19 инфекциясы тағы 9 623 адамнан анықталды. Жақында бұл елде коронавирустан 57 адам қайтыс болды. Бұған қоса, бір тәулікте 1 793 адам ауруынан толықтай айығып шықты. Мұнда 85 өңірде 124 054 адам вирусты жұқтырған. Қайтыс болғандардың жалпы саны 1 222-ні құрап отыр, жазылып шыққандар саны 15 013-ке жетті.
