23 қарашада Қарағанды облысында электр сиреналары қосылады, деп хабарлайды BAQ.KZ облыс әкімдігінің ресми сайтына сілтеме жасап.
Қарағанды облысының Төтенше жағдайлар департаменті тұрғындарды 23 қарашада сағат 12:55-те дыбыстық сиреналардың іске қосылуы туралы ескертеді.
Аумақтық деңгейдегі құлақтандыру жүйесінің дайындығын тексеру үшін “Баршаның назарына!” белгісі бойынша 2023 жылғы 23 қарашада сағат 12:55-те барлық қолда бар дыбыстық электр сиреналары іске қосылады. Тыныштықты сақтап, үрейге бой алдырмауларыңызды сұраймыз, – делінген Төтенше жағдай департаментінің хабарламасында.
Айта кетейік, сиреналардың іске қосылуы "Қыс-2023" РКШЖ шеңберінде өтуде.
