Жақын арада Twitter-дегі 1,5 миллиардқа жуық пайдаланылмай жүрген аккаунт жойылады. Бұл туралы жұма әлеуметтік желінің иесі Илон Маск мәлімдеді, деп хабарлайды BAQ.KZ.
Твиттер жақын арада 1,5 миллиард аккаунтты тазарта бастайды. Желіде жазбасы жоқ және бірнеше жыл бойы жүйеге кірмеген аккаунттар жойылаты анық, - деп жазды ол өзінің Twitter-дегі парақшасында.
27 қазанда Маск аттас әлеуметтік желіге ие Twitter-ді сатып алу бойынша 44 миллиард долларлық мәмілені жапқан болатын. Көп ұзамай ол есептік жазбаны құлыптау саясатына өзгеріс енгізілгенін жариялады. Сонымен қатар кәсіпкер спам-аккаунттармен күресетінін де жариялады.
