Оқыс оқиға бүгін сағат 09:18-де болған, деп хабарлайды BAQ.KZ.
ТЖМ баспасөз қызметінің мәліметінше, терең құдыққа құлаған әйел тек үш сағаттан кейін ғана шығарылған.
Бүгін сағат 09:18-де 1994 жылғы азаматшаның Түркістан облысы Майтөбе ауылының маңындағы ашық алаңда орналасқан дренаждық құдыққа құлағаны туралы хабар келіп түсті. Сағат 12:06-да жергілікті тұрғын құдыққа түсіріліп, 12:14-те қызды құдықтан ес-түссіз күйде шығарып алды. Құтқару жұмыстарына ТЖД, жедел жәрдемнің, полицияның 31 адамы және 5 техникасы жұмылдырылды, - делінген хабарламада.
